Effective Revision

Dosto aaj hum revision ke baare me baat karenge. Dosto hum sabhi exam aur test aane par apna pura syllabus revise karte hai taaki hum apne pure course ko acche se cover kar paaye aur exam me acchhe marks laa sake. But dosto kai baar humare saath ye hota hai ya bahut saare students ke saath hota hai ki wo revise to karlete hai magar dil se feelings nahi aati ki humne kuch revise kiya hai ya padhai ki hai. Means hume aisa lagta hai
ki humne kuch nahi padha hai aur kai baar ye bhi feel karte hai ki jo humne padha hai usme se kuch nahi aaya to hum kya karenge. Aur khud ko  demotivate kar lete hai. Aur demotivate hone ke baad aksar hota hai ki hum bahut saare topics bhul jaate hai. Ek baat aur dosto hum revision direct book se karte hai jiski wajah se kai baar important points chhut jaate hai.

Ab dekhte hai special tips for revision aur kaise revision kare. Dosto revision karne ke liye sabse jaruri cheez hai ki aapke paas aapke syllabus

ka pura notes ho jisme 100% important topics include ho. Dosto hum jaante hai ki hum markets se bhi notes ya guides kharid lete hai inse fayda jarur hota hai but ye jaruri nahi ki aap sabhi important topics ko revise kar paaye. Dosto sabse effective padhai to humare syllabus ki book se hi hogi jyada information ke liye hum guides ka use karte hai but aaj kal internet hai to agar samajh me naa aaye koi topic to internet ke help se easily samajh sakte hai.
 Dosto aap apne revision notes khud banaye ab baat ye hogi ki aap notes
kab bana sakte ho. Dosto jab aap padhai kar rahe hote ho usi samay aap sabhi important topics ke baare me likhte jaaye aur saath me page no. bhi likh dijiye isse fayda ye hoga ki agar aapke banaye hue notes me wo topic naa samajh me aa raha ho to turant book me us page no. ko dhoondh kar samajh sakoge. Aisa karne se dhire dhire exam aane tak
aapke paas ek aisa revision note taiyar hoga jo ki aapki bahut help karega. Aur exam aane par aapko book me important topics nahi dhundhne padenge. Kyunki aapne us book ka sabhi important topics apne note me likh liya hoga aur exam ke samay usi notes ko acchhe se cover kar lijiye isse aapka koi important topics bhi nahi chhutega aur aap kam time me pura syllabus ka revision kar paaoge.. Aur aapko ye bhi feel nahi hoga ki aapne koi important topic chhor diya hai.
Aur aapsabse request hai ki aap apna notes padhai karte samay suruaat se hi banaye. Aur alag alag book ka notes alag alag notebook me banaye.
Thank you guys.