Don't Suicide After Failure In Exams

Hello dosto aaj mai fir se aapke liye ek post lekar aaya. Ye post vidhya rajput ki taraf se hai sabhi students ke liye jo ki mai post kar raha hu.

Dosto ye  post students se related hai to students please is post ko padhe. Dosto jaisa ki hum jaante hai abhi board exams chal rahe hai. Aur students ke liye ek bahut hi difficult mahina chal raha hai. Gharwale apne bache se ummid lagaye baithe hai ki mera bacha bahut achhe marks laayega. Hum sabhi jaante hi hai aajkal parents ki bhi taraf se thora pressure rahta hai ki 90%+ lane hai jo ki har students ke liye possible nahi hai. Jab koi student is baare me jyada seriously le leta hai aur use jab ye sab chize jyada satane lagti hai to mostly students suicide ka rashta apnate hai. Aakhir suicide ka reason hota kya hai dekhte hai..

1.       Ek student sayad gharwalo ke ummid ke mutabik 90%+ naa laa paaye.

2.       Ek student ko ye dar rahta hai ki kahi wo fail na ho jaaye aur isi dar se suicide kr lete hai.

Yahi 2 important reasons hai jiski wajah se ek student suicide krne jaisa decision le leta hai. Mai inhi type ke students se bolna chahunga Aap aakhir aisa kyu karte ho? Aapke suicide ke baad family ka kya hoga?

Aap sabhi students se ek vinti hai please aisa decision na liya kare. Aapke parents ne aapko itna bada kiya hai aapko itna pyar diya hai aur aap sirf exams ke dar se ya fail hone ke dar se suicide kr lete ho. Aap maano ya na maano jab kisi parent ka bacha sirf ye dar se suicide kr leta hai to family ko ek dhakka sa lagta hai wo bas yahi sochte rahte hai aakhir humne aisa kya bol diya. Agar aapke papa ne no. ke liye daata ho to wo yahi sochte hai kaash mai ne use nahi daata hota . Aap khud to in pareshaniyon se pichha chhura ke bhaag jaate ho magar apne family ko puri jindagi ka dard de jaate ho. Aapke agar exams me marks kam bhi aa gaye to kya hua family kuchh din bolegi baad me sab normal. Aur aap bhi move on kar jaaoge. And please apne aap ko dusro se compare na kiya kare sab apne talent apne intelligency ke hisab se apni jagah thik hai. Aur haa Depression me agar jaa rahe ho to family ko jarur bata de aisi aisi baat hai wo jarur help karenge. Warna khud ko andar se aap tabah kar doge.

(Ek baat ye bhi hai Kaash hum bache hi hote jab humare bachpan me kam marks aate the tab hum nahi sochte se jyada chahe papa kuchh bhi bole. Agar tution se late bhi ho jaaye to kya hua mummy se maar hi to lagegi kha lenge. Kya ho jaayega. Magar jaise jaise hum bade hote gaye hum nalayak bante gaye.) ye bas meri habit thi.

Sabhi students se vinti hai ki wo ye na soche exams me fail ho jaayenge ya kam marks aayenge to wo life me kuchh nahi kr sakte ho. Dosto marks ek no. hai jo ki aapke talent ko kabhi show nahi kr sakta. Pass hona fail hona life ka ek part hai aur aapko ise ek khel ki tarah hi samajhna chahiye jaha kabhi jeet hogi yani achhe marks aayenge to kabhi haar hogi. Maine bhi board exams diye the mere ummid se 15% marks kam aaye the mai bhi kuchh waqt ke liye surprise tha mujhe vishwas nahi ho raha tha maine bhi apne parents ki ummide todi magar maine suicide ka decision lene ki socha magar karta kya family ki soch ke rah jaata aakhir family kuchh din hi no. ke liye bolengi aur fir time ke saath bhul jaayenge aur agar wahi suicide kr lete to life bhar ka dard mil jaata.

Dosto mai ummid karta hu ki aap kuchh mahino ke dard ke liye apni family ko jindagi bhar ka dard naa de suicide krke. family aapko humesha khush hi dekhna chahti hai. Dosto marks ek no. hai aur use no. ki hi tarah samajhna chahiye aur ise apne talent ke saath compare karke galti naa kare. Life me kuchh bada karne ke liye aapko bahut mauke milenge bas un mauko ko pakadne ke liye aapke andar jazba hona chahiye, Koi nahi ek baar fail ho gaye wapas try karenge. Bas apni taraf se puri kosis karte rahiye aur jitna ho sake utna exam ki tension ko apne mind se dur rakhiye. Aur please suicide ka decision naa le . Thank you frnds.